يخابرني حبيبي بتالي الليل

واسمعه بلهفه من يحاجيني

واحس دكات كلبي حيل تزداد

وتظل تهتز كل شرايني

اذا يكلي احبك مدري شيصير

تختل بيه كل موازيني

واضل احجي وياه بالساعات

ولا تشكي من السهر عيني

تشفه جروح كلبي وينسه كل الاه

لان كلمة احبك هي .....تشفيني

احبه من اجدامه حد الراس

واموت عليه من يسال تحبيني

لاتسأل حبيبي انته بيه تعيش

وحبك نبض يجري بشراييني

تبقى انته الوحيد الساكن الروح

وصوتك من اسمعه بشوك يحييني